Batzorde Estrategikoaren azken bileran, Basque Ecodesign Centerren 2022ko emaitzak eta 2023ko aurreikuspenak berrikusi dira, eta “Ingurumenaren zaintza estrategikoari buruzko txostena: ekonomia zirkularreko 10 gakoak 2024rako” aurkeztu da.

Basque Ecodesign Center Euskadin jasangarritasuna, ekodiseinua eta ekonomia zirkularra bultzatzeko lankidetza publiko-pribatuaren erakusgarri da. Campezok bat egin zuen ekimenarekin 2021-2025eko akordioan, Euskadiko Ekonomia Zirkularraren Estrategiaren lehentasunezko sektoreetako bat den eraikuntza-sektorearen ordezkari gisa; eraikuntza- eta eraispen-hondakinak zirkularizatzeko gakoa da hori.

Honako hauek dira Batzorde Estrategiko honen eginkizunak: ingurumenaren arloko arau- eta merkatu-premiei aurrea hartzeko antena gisa jardutea; sektore publikoaren eta pribatuaren artean erronka horiei nola aurre egin jakiteko hausnarketa estrategikoa egitea; eta Basque Ecodesign Centerren epe labur eta ertainerako lan-ildoak zehaztea, euskal enpresa-sareari erronka horiei erantzuten lagun diezaioketenak.

Azken Batzorde Estrategikoan Basque Ecodesign Center-en emaitzak berrikusi dira. 2022 eta 2023 artean, 70 proiektu baino gehiago garatu dira, horietako asko enpresen arteko lankidetzakoak.

Azken Batzorde Estrategikoan “Ingurumenaren zaintza estrategikoari buruzko txostena: ekonomia zirkularraren 10 gakoak 2024rako

Argitalpena Europako Itun Berdearen jarduera-ardatz nagusiak biltzen dituzten sei gairen bidez egituratzen da: gardentasuna eta posizionamendua; ekodiseinua ekonomia zirkular baterako; bigarren mailako lehengaiak eta hondakinen kudeaketa; deskarbonizazioa bizi-zikloaren ikuspegiarekin; zero pollution; eta finantza iraunkorrak. Gainera, txostenak epe labur eta ertainean ekonomia zirkularrean enpresa-sareak dituen 10 erronka nagusiak laburbiltzen ditu. Erronka horiek aldez aurretik lantzeak enpresen iraunkortasuna eta lehiakortasuna hobetzeko aukera bihurtzea ahalbidetuko du.