Datorren martxoaren 27an, Eraikuntzaren Espainiako Plataforma Teknologikoaren (PTEC) Berrikuntza Sari Nazionala banatuko da. PERSEUS berrikuntza-proiektua, Kanpezu Taldea buru duena, 5 proiektu finalistetako bat izan da, TEKNIKERen SAFETYPAV 4.0, COBRAren DATIA, Sacyr-ko OSPITALE KOGNITIBOA eta ACCIONAren INARTRANS proiektuekin batera.

Eraikuntzaren Espainiako Plataforma Teknologikoa (PTEC) 2004ko urrian sortu zen, eraikuntzaren sektorea hobetzen laguntzeko helburuarekin, ikerketarekin, garapenarekin eta berrikuntzarekin (I+G+b) lotutako ekimenetan erakunde publiko eta pribatuen arteko lankidetzaren bidez.

PERSEUS

Perseus proiektuak, Campezo buru duenak, Asfaltia, Cepsa, Signus eta Tecnaliarekin batera, zoladura bat garatzea du helburu, zarata modu eraginkorrean murriztea ahalbidetuko duena eta ahalik eta jasangarriena izango dena. Horretarako, NFVUetatik eratorritako kautxu birziklatu pikortatua erabiliko da, bizitza erabilgarritik kanpoko pneumatikoak, agregakinen ordez. Proiektu berritzailea da, orain arte errepideak asfaltatzeko erabiltzen den kautxua 0,8 mm-tik beherako hauts forman baitago.