«Agravitas» proiektua, Norman Foster eta Luis María Uriarte arkitektoek sinatua
Proiektuaren helburu nagusien artean honako hauek daude: alde batetik, museoari bere jarduera garatzeko espazio gehiago ematea, publikoa zein barnekoa, eta, bestetik, irisgarritasuna hobetzea, dauden arkitekturen eta kokatuta dagoen ingurune naturalaren balioa errespetatuz eta indartuz. Museoaren hedapen fisiko esanguratsua 6.743 m2-koa da ( % 60 baino gehiago) eta lehendik zeuden 8.000 m2-ko birmoldaketa. Aldi berean, instalazioen jasangarritasuna sustatzen da eraginkortasun energetiko handiagoa lortzeko, eta museoari protagonismo berria ematen zaio hiriaren horizonte arkitektonikoan.
Bildumarako eta aldi baterako erakusketetarako erakusketa-espazioa handitzea da proiektuaren konkista handienetako bat. Bildumak 1.635 m2 gehiago izango ditu (egungo espazioaren % 45 gehiago). Aldi baterako erakusketek, berriz, BBK-Museoa gune berria izango dute, handitzearen goiko solairuan. Terraza berriaren ondoan, 2.200 m2-ko azalera du, egungo erakusketa-azalera bikoiztuz.
Jarduera publikoetarako espazioari ere eragiten dio beste helburu garrantzitsu batek, % 81 handitu baita, eta Arriagako Monumentuko plaza estalia da, 1.000 m2 baino gehiagokoa, bisitarien harrerarako eta arretarako irabazi nagusia. Museoko edozein sarreraren bidez sarrera librea izanik, ardatz publiko handi honek eraikin zaharreko atea irekitzea ahalbidetuko du, fatxada neoklasikoari jatorrizko funtzionaltasuna itzuliz. Arriaga espaziotik, halaber, Arteder Dokumentazio eta Ikerketa Zentro berrirako sarbide zuzena izango da. Zentro horrek 500 m2 baino gehiago izango ditu eraikin zaharreko sotoan.
Irabazitako gainerako azalera bulego-guneetan, zirkulazioan, zerbitzuetan eta instalazioetan banatzen da.
Ampliación Bellas Artes ABEEak gauzatuko du proiektua. Enpresa eraikitzailea Urbelan, S.A. + Altuna y Uria, S.A. + Campezo Obras y Servicios, S.A. eta Teusa Técnicas de Restauración, S.A. enpresek osatzen dute.
